البنت لما ترتبط بالولد

• لو جه هوة اللى كلمها يبقى مدلوق عليها

• لو هى اللى كلمته يبقى مغرور وشايف نفسه

• لو قالها نعرف بعض شوية يبقى بيتسلى و بيلعب بيها

• ولو قالها نرتبط يبقى لازم يجيب كل اللى الأهل عايزينه ( طبعا مش بقى صعب انما بقى مستحيل )

• لو بقى معاها علطول يبقى فاضى وصايع ومش وراه حاجة

• ولو سابها مرة تروح لوحدها مبقاش مهتم بيها

• لو مكلمهاش كل يوم 30 مرة يبقى مش بيحبها

• ولو كلمها لحد ما يفلس يبقى مش بيفكر صح للمستقبل

• لو جبلها هدية فى كل مناسبة يبقى بيضيع فلوسه وكمان ممكن الهدية متعجبهاش

• لو مجبلهاش ولو فى مرة واحدة يبقى انانى ومش بيفكر فيها

• لو حبها وفيها عيوب وحاول يصلحها يبقى بيتحكم فيها

• ولو محاولش يصلحها يبقى مش بيحبها ويطلع عينه وتقوله انة لازم يحبها زى ما هى

• لو فيه حاجة مدايقاه وقالها يبقى بيتلكك

• ولو مقلهاش يبقى قلبه اسود وبيحوش

• لو هى بتغير عليه يبقى عشان بتحبه

• ولو هو بيغير عليها يبقى بيخنوقها

• لو قالها متكلميش فلان يبقى عايز يقطع علاقتها بكل أصحابها

• ولو هى قلتلوا متكلمش فلانة يبقى عشان أكيد هوة اللى عينوه زايغة

• لو خرجوا مع بعض وقالها تروحى فين يبقى مش عارف يتصرف

• ولو مسألهاش يبقى عايز يخرج على مزاجه

• لو حب يخرج مع أصحابة يبقى أنانى ومش بيفكر فيها وهى قاعدة لوحدها

• ولو هى حبت تخرج مع أصحابها يبقى شئ طبيعى عشان همة بنات

• لما يطلع عمرو دياب ولا كاظم فى التليفزيون تبقى هتموت عليه وده شئ طبيعى عشان مين اللى ميحبش عمرو ؟

• ولو هوة بص لأى واحدة فى التليفزيون يبقى عشان رمرام وعينه زايغة

• لو هية قعدت فترة متكلمهوش يبقى أكيد عشان مش عايزة تعطله

• ولو هوة مكلمهاش عشان امتحانات ولا حاجة يبقى عشان عايز يطنشها

• لو سأل عليها كل شوية يبقى ده طبيعى

• ولو مرة واحدة مسألش يبقى أكيد مبقاش يحبها

• لو هوة خارج من علاقة يبقى بتاع بنات

• ولو هية خارجة من علاقة يبقى أكيد مظلومة وانضحك عليها

• لو قالها نعرف الناس كلها اننا بنحب بعض يبقى عايز يشردها

• ولو قالها نستنى شوية يبقى أكيد ناوى يفلسع

• لو مشتغلش يبقى مش بيفكر فى المستقبل ومش عارف يكفى طلباتها هى أو أهلها

• ولو اشتغل أى حاجة يبقى مش عايز يحافظ على المظهر والبرستيج بتاعها أدام الناس

• لو حصله مشكلة واتخنق شوية يبقى كئيب ومقرف

• ولو هية اللى مخنوقة يبقى أكيد عشان حاجه مزعلاها

• لو سقط بسببها يبقى عشان ملوش هدف

• ولو هية سقطط يبقى عشان بتموت فية وبتفكر فية ليل ونهار

• لو كدب عليها يبقى غشاش ومخادع

• ولو هية كدبت علية يبقى عشان مش عايزة تزعله

• لو مبقاش 24 ساعة رومانسى يبقى أكيد بيفكر فى حد تانى

• ولو بقى علطول رومانسى هتقوله استرجل شوية دانا أرجل منك

• لو فى مرة جبلها هدية أو خرجها من غير مناسبة يبقى عشان عمل غلطة وعايز يداريها

• ولو هى اللى عملت كدة يبقى عشان الحب

• لو حصل خناقة بينهم وخللى حد يحكم يبقى عايز يفضحها ويطلعها غلطانة علطول

• ولو هى اللى دخلت حد بينهم يبقى طبعا عشان هوة ظالم ولازم حد ينصفها

• لو حصل موقف مؤثر وعيط يبقى تافه ومش راجل

• ولو متأثرش بيه يبقى قاسى وقلبه حجر

جميل اووووووووى
الكلام الى تحت دا من اول البنت محتاجه دا

صح يمكن الكلام دا معظمه صح
بس عجبتنى اوى الحدق يفهم دى
يمكن معدش حدقين بقى
يمكن
ثانكس محمد
لذيذ التوبيك

يمكن عايش

؟؟؟؟؟؟؟؟؟؟؟

لا نو هو مش قصد عايش انه يختلف معاكى هو متفق بحكم انه شاب

وانتى مختلفه بحكم انك فتاه

كل واحد بينحاز لفريقه

لكن الكلام فى البدايه هزار لكن اوقات بحصل فبيكون واقعى

سواء بقى كان من البنت او الواد

اها اكيد فاهمه محمد
اختلاف الراى لايفسد للود قضيه