كرسى الاعتراف

اخوانى واخواتى الاعضاء

انتو اكيد عارفين اللعبه ده

اصدقائى هنا سوف نخلع الاقنعه لكى نعرف لماذا نحن

مش شرط تجواب على الاسئله اللى فى اللعبه ده ولكن اسال نفسك واجاوب على نفسك يمكن تعرف نفسك بس لازم تكون صريح معاه نفسك احنا هنا فى المنتدى اخوات يعنى اتكلم من قلبك واو اتكلمى من قلبكى مش غير خوف او قلق كل واحد هنا او واحده دخل المنتدى عشان عايز يتكلم معا حد وتاكد ان هنا بيتك وبيت اسرارك واحنا هنا مش مجرد اصحاب عادى ولكن اخوات يمكن نكون مش بنتكلم معا بعض كتير ويكم نكون مش بنخش المنتدى معا بعض عشان كل واحد مننا ليه ظروف ولكن احنا اكيد معا بعض بالفكير والسؤال على بعض

ما هو شعورك وانت على كرس الاعتراف
كل انسان وله امنيات وامل وياريت تتكلم عن الحلم اللى يراودك
ايه الامنيه اللى تتمناها
وايه اصعب المواقف
ايه رايك فى الحب انت جربته الحب وهل تمتع بوجوده
هل انت تحكم عقلك ام قلبك ومن الاسباق فالتحكيم
هل ندمت فى حياتك على شئ فما هو الشئ
ما الفراق بين الحب والصداقه
وما رايك بهذه الكلمات
الخيانه
الصداقه
النفاق
الحب
العشاق
الروح
الجسد
المراه
امت تقول هذه الجمله انا اعطيتك كل شئ انت سوف تعطين ايه
ويارب يكون الموضوع عجباكم

ههههههههههههههههههههه

نختلف فى الرأى وكلاهما صحيح


فلما الانقسام والكلام الفصيح

السلام عليكم

ياحج طاهر الف مبروك لسعد ياحج مقدماا كده بس انا سمعت والله اعلم ان العروسه محجوزه

ع ا لعموم ربنا يتمم بخير وانا اول المعازيم طبعاا

نسأل ابو العريس بقى

نفسك تعمل ايه لسعد فى يوم فرحه

ونفسك تعمله ايه فى حياته

ونفسك سعد يطلع ايه

ايه فى حياتك نفسك تغيره


كفايه كده بقى احنا مش زى ناس

اسلام ميلانو كتب
السلام عليكم
وعليكم السلام ورحمة الله وبركاته

مبروك لسعد مقدما
الله يبارك فيك

انا سمعت ان العروسه محجوزة
والله ربنا يوفقها بس اعتقادى بعد العرض المغرى ده هتغير رأيها
وهتكون اول العازيم ان شاء الله

نسأل ابو العريس بقه
اتفضل

نفسك تعمل ايه لسعد فى يوم فرحه ؟
اممممممممممممممممممممممممم
مش عارف بس لو اطول اعمله الكوشه على القمر
والشمس تحضر وترقص
والنجوم هى الفرقه
والكواكم هم المطربين
وطبعا انتم المعازيم
مش هنتأخر

ونفسك تعمله ايه فى حياته ؟
ائمنله مستقبله
وتشمل
التربية الصحيحة
التعليم الابداعى وليس التلقينى
ثقافه رفيعة المستوى
واشوفه عريس
وحاجات كتير كده يعنى

ونفسك سعد يطلع ايه ؟
طبعا الكل عارف ان مفيش انسان على وجه الارض بيحب يشوف حد
احسن منه غير الاب لابنه
اهم حاجه نفسى لما يكبر يعرفها
ايه هى الحاجه اللى من حقه وايه الل مش من حقه
ويعرف الحقوق والواجبات اللى عليه
وايه هو اللى مطلوب منه قبل ان يطلب
وبعد كده يطلع زى مايطلع
ان شالله حتى يطلع طيار مش مشكله

ايه فى حياتك نفسك تغيره ؟
الروتين
مفيش اى جديد خالص
كل يوم شبه اللى قبله

كفايه كده احنا مش زى ناس
ايه زى ناس دى
عايز يعنى تقول زى محمد بدر
ماله محمد بدر هو مش رغاى ولا حاجه
ولا بيحب يغتت على حد
ولا بيستنا الفرصه اللى يفترس اللى قاعد على الكرسى
باسئلتة ولا حاجه يبقى ايه بقى

ورجعنا تانى مع المدير بعد الفاصل
ونقول الووووووووووووووو

بما ان الكرسى عموله ومش من عند مسعد يا كداب
علشان تعرف انك موصتهوش ولا حاجه ياكداب
انا مش بحب الكدب
ياكداب

واتفضل اسأل منا عارف طول منا قاعد على الكرسى
مش هيبقالك شغلانه غيرى

بتسمع برنامج { انا والنجوم وهواك } بتاع سمسم منير ؟
ومالك كده بدلعه هو البرنامج حلو مفيش كلام وعليه اقبال جماهيرى غريب الشكل
لكن انا مش بسمعه
سمعته مره انت عارف حسيت بايه
وبجد
شىء مقزز للغايه
مدى التفاهه اللى موجوده فى اللى بيتصلو
بحس انهم عيال سيس وخدلى بالك
عمر المشاعر والاحاسيس مكانة باب نقاش فى تليفون
ولا الخيابة اللى موجوده فى المزيع ده
معلش اعزرنى انا عارف انك بتحبه بس انت اللى سألت

ايه رأيك فى الزواج عن حب والجواز التقليدى { صالونات } وايهما تفضل ؟
طبعا الزواج عن حب شىء جميل ومستحب
لاسباب كتير منها
انك لمجرد انك حبيت او فكرت فى انسان بيدفعك الفضول لمعرفة كل شىء عنه
وبتظهرلك حاجات كتير انت بتسعد بالكشف عنها وايضاحها
بالنسبة لنفسك
فارتباطك بالشخص ده اصبح قرار عن قرب
وبتظهرلك من خلال الفترة دى مدى السلبيات اللى ممكن تتلاشها بعد الارتباط
وطبعا فى حالة عدم وجود حب او معرفة شخص عن قرب
تأتى مرحلة الصالونات
اللى فيها باب المناقشه بيكون على الملأ
واللى عنده حاجه بيقلها
وبتسمع تعليقات كتير على الشخص اللى هترتبط بيه
من خلالها تقدر تقرر ان كان يصلح او لا
مش كده ولا ايـــــــــــــــــــــــــــــــــــه

وانا عن نفسى بأحب الجواز
يكون عن حب

هل يموت الحب بعد الزواج ؟
ان كان حبا خالصا لن يموت
ممكن تحصل بعض العثرات بعد الزواج من خلالها
الناس بتعتقد ان الحب مات
ده كلام مش صحيح
الحياه عمرها ما هتستمر على الحلو
لكن لكى تشعر بالحب والسعاده لابد لك انت تجرب النقيض
ليه متقلش ان صلة الحب بتقوى بعد الزواج....!

اسئلة شخصية
لسه
اتفضل

بتحب تسمع لمين ؟
من الرجال
محمد عبد الوهاب ، عبد المطلب ، محمد ثروت
محمد منير ، محمد فؤاد ، تامر حسنى
من النساء
البوب - شيرين عبد الوهاب
اصاله ، انغام ، نادية مصطفى

اجمد اغنية بتحب تسمعها ولو اشتغلة كذا مرة تسمعها ؟
هان الود - لمحمد عبد الوهاب

ناديك المفضل محلينا وعالميا ؟
انا بأحب الاهلى وبفرح لما يفوز لكن مش بحب الكورة قد كده
عالمينا بأحب فريق منشستر يونايتد بتحس ان الناس دى
بتحارب فى معركة شرفية
بالاضافة دى الكورة اللى تشاهد

لاعبك المفضل محليا وعالميا ؟
اسمحلى اختار اتنين محليا لا خليهم تلاته
اللاعب الخلوق - محمد ابو تريكة
اللاعب الاجدر - محمد بركات
الحارس الذى لا يعوض - الحضرى

عالميا - كريستيانو لوناردو


حاجه عماتها وزعلت انك عملتها ؟
وثقت فى شخص غير اهل لثقتى

كيف كانت بدايتك الشعرية ؟
ههههههههههههههههههه
ليه الابنودى ياخى
كل الحكايه انى بحب الشعر من الاعدادى
وكنت دائما اشترك فى المسابقات الشعرية
ولما طلعت الثانويه العامة
صادفنى شاعر لم اجد له مثيل
ابو فراس الحمدانى
فى القصيدة اللى بتقول
أراك عصي الدمع شيمتك الصبر
أما للهوى نهي عليك ولا أمر
بلى ،أنا مشتاق وعندي لوعة
ولكن مثلي لا يذاع له سر
إذا الليل أضواني بسطت يد الهوى
وأذللت دمعا من خلائقه الكبر
تكاد تضيء النار بين جوانحي
إذا هي أذكتها الصبابة والفكر
معللتي بالوصل والموت دونه
إذا بت ظمآنا فلا نزل القطر
حفظت وضيعت المودة بيننا
وأحسن من بعض الوفاء الغدر
وما هذه الأيام إلا صحائف
لأحرفها ، من كف كاتبها ، بشر

ومن هنا حبيت اعرف كتير عن الشعر
واول حاجه دندنتها مع نفسى كانت بعنوان قدر
وسبق ووضعتها فى قسم كلام فى الحب
بس ياعم الحج
لكن هطلع علينا سمعه اننا بنقول شعر
الكلام ده مينفعش

حاجة على زوقى
برده لابو فراس
أمـا لِـجَـمـيـلٍ عِنْدكُنَّ ثَوابُ
ولا لِـمُـسـيءٍ عِـنْـدَكُنّ مَتَابُ
إذا الـخِـلُّ لَـمْ يَـهْجُركَ إلا مَلالةً
فَـلَـيْـسَ لهُ ، إلا الفِرَاقَ ، عِتابُ
إذا لـم أجـد مـن خُـلَّةٍ ما أُرِيدُه
ُ فـعـنـدي لأُخْـرى عَزْمَةٌ وَرِكابُ
ولـيـس فِراقٌ ما استطعتُ
فإن يَكُنْ فِـراقٌ عـلـى حَـالٍ فليس إيابُ
صَـبـورٌ ولـو لـم يـبقَ مني
بقيةٌ قَـؤُولٌ وَلـوْ أنَّ الـسيوفَ جَوابُ
وَقُـورٌ وأحـداثُ الـزمانِ
تَنوشني وَلِـلـمـوتِ حـولي جِيئةٌ وَذَهَابُ


تلاث رسائل لمن ترسلها
شوق
أعز مخلوق عندى.......!
حب
لزوجتى
عتاب
اصدقائى فى الثانوية

اختار العضو المناسب من وجهة نظرك ؟
عضو حبوب { مريم }.و
عضو نشيط ر محمد بدر }.و
عضو طيب { اسلام ميلانو } .و
عضو هادى {عمرو }.و
عضو عصبى { احمد النكلاوى }.و
عضو جرىء { مصطفى عيسى }.و
عضو زكى { عبد الحميد عمارة }.و
عضو مميز { نو} .و
محدش يزعل منى


قولنا تلت حاجات نستها هتقول ازاى هقولك مليش دعوة هو كده ؟
بالزمة فيه سأله كده فى الدنيا
طيب ازاى
طيب قول انت بالنيابة عنى
ياسئيل

اصبحت مديرا للمنتدى وعليك القيام بخطوة واحدة فما هى ؟
لا اجد اجمل مما قلت انت
السعى اللى الرقى

يووووووووووه ديما كده انسى باقى الاسئلة وافتكر حاجات بسيطة
منها تؤ تؤ تؤ تؤ
معلش جاوب دول على ما افتكر الباقى
الله عليك
شيفين البرائه اللى فى كلامه
ياسلام وكمان بتنسه
حراااااااااااااااااااااااااااااااااااااااااااااااام عليك
والنبى متبقى تنسى

والله ياحج انت بتحرجنى بزوقك ده الواحد مش عارف يقولك ايه
بس على فكره انا مش كداب واسئل مسعد ابو المجد وهو يقولك


ثانيا مش معنى ان بسمع اسامه منير ابقى بحبه لا انا بس بشوف الرأى والرأى الاخر

يعنى بنشوف الدنيا بقت عمله ازاى والحب وصل لفين فى عقولنا


ثالثا اجاوب بدالك مقدرش انت الكبير ياحج وانا مقدرش ابدااااااااااا

رابعا حكاية .. سئيل دى انا عارف ان انا سئيل اخر حاجه

سئيل بفتح السين وكسر الياء

مش بسكون السين خالص


انا مش هسأل ياعم الحج تانى لحسن تقول سألنى كتير عن الاعضاء

هههههههههههههههههههههههه

ماشى يابو سعد ياكبير مهو عشان انت كبير لازم نسالك اسئله كبيره

اصعب من امتحانات الثانويه


طبعاا نتيجة الجلسه بعد سماع صوت الصفاره .. قصدى بعد فرح سعد على طول

وان شاء الله بقى انا هجيب التورته اللى انا نسيتها فى عيد ميلاد نو

لسه زى ماهى مفيش غير بسمه اخدت حته كده ع الماشى مش مشكله مش هنحاسبها ... العروسه بقى

يارب مايكون حد مد ايده عليها تانى لحسن اقطعها

وبعدين انا اللى هستلم الهدايا بردوه هنا ؟؟

تمام ياحج مدام موافق يبقى الاسئله هتبدأ من الان حتى اشعار اخر


يعنى تدخل هنا دايما بقى وتابع معانا الاسئله وتجاوب وانا عن نفسى هسألك كم سؤال بسيط وصغنون كده ع الماشى